Á bænum Hellum á Landi er Hellir sem hafður var fyrir fjós og heygarð. Út úr helli þessum gengur afhellir langur. Einu sinni slapp kálfur inn í helli þennan og kom síðar fram á Stóra – Núpi í Eystri Hrepp. Fjósamaður sem elti kálfinn sneri við þegar hann heyrði vatnsnið yfir höfði sér og hugði réttilega að það væri Þjórsá. Hellinum á Hellum hefur verið vel við haldið og er opinn ferðamönnum til skoðunar en hann þykir með merkilegustu manngerðu hellum landsins og er langur. (ÞJÁ I, 662)
Um vefinn
Vefurinn Sagnir af Suðurlandi er safn þjóðsagna sem gerast á Suðurlandi.